बलात्कार आरोपी ६ वर्षपछि पाँचथरबाट पक्राउ

बलात्कार आरोपी ६ वर्षपछि पाँचथरबाट पक्राउ
शुक्रबार, मंसिर १९, २०७७

पाँचथर– नेपाल प्रहरी एक बलात्कार आरोपीलाई ६ वर्षपछि पक्राउ गर्न सफल भएको छ ।

१४ वर्षीया बालिकालाई बलात्कार गरी फरार रहेका मिक्लाजुङ गाउँपालिका–२ का २५ वर्षीय उत्तम शेर्मालाई प्रहरीले बिहीबार पक्राउ गरेको हो ।

जिल्ला प्रहरी कार्यालयका अनुसार शेर्मा २०७१ असोज २१ गतेदेखि फरार थिए । सो अभियोगमा उनलाई जिल्ला अदालतले तीन वर्ष कैद सजायको फैसला गरेको छ ।

गाउँमै लुकीछिपी बसेका अवस्थामा शेर्मालाई पक्राउ गरिएको प्रहरीले जनाएको छ । उनलाई जिल्ला अदालतको आदेशले कैद भुक्तानीका लागि जिल्ला कारागार चलान गरिएको कार्यालयका सूचना अधिकारी प्रहरी निरीक्षक डम्बर विश्वकर्माले जानकारी दिए ।