भारत सरकारले दियो नेपाललाई १० लाख डोज कोरोना विरुद्धको खोप

बिहीबार काठमाडौँ आइपुग्ने

भारत सरकारले दियो नेपाललाई १० लाख डोज कोरोना विरुद्धको खोप
बुधबार, माघ ७, २०७७

काठमाडौँ– भारतले नेपाललाई अनुदानमा १० लाख डोज कोरोनाविरूद्धको खोप उपलब्ध गराएको छ ।

स्वास्थ्य मन्त्रालयमा आज आयोजित संयुक्त पत्रकार सम्मेलनमा भारतले १० लाख डोज उपलब्ध गराएको घोषणा गरेको हो । भारतले अनुदानमा दिएको खोप भोलि नै काठमाडौंमा अवतरण हुनेछ ।

प्राप्त खोप सफाइकर्मी, स्वास्थ्यकर्मीलाई प्राथमिकतामा राखेर वितरण गरिने जनाइएको छ ।

प्रथम चरणको यो खोपले नेपालमा अग्रपंक्तिमा खटिने योद्वाहरुलाई कोरोनाविरूद्ध लड्न मद्दत पुर्‍याउने नेपालका भारतीय राजदूत विनय मोहन क्वात्राले बताए । बाँकीका लागि दोस्रो चरणमा खरिद प्रक्रिया अघि बढाइने जनाइएको छ ।