अश्लील भिडियो अपलोड गरेको आरोपमा अभिनेत्री वशिष्ठ पक्राउ

अश्लील भिडियो अपलोड गरेको आरोपमा अभिनेत्री वशिष्ठ पक्राउ
आइतवार, माघ २५, २०७७

नयाँदिल्ली– अभिनेत्री गहना वशिष्ठलाई भारतीय प्रहरीले पक्राउ गरेको छ । एकता कपुरको वेबसिरिज गन्दी बातकी अभिनेत्री पक्राउ परेकी हुन् ।

उनीविरुद्ध आफ्नो वेबसाइटमा अश्लील भिडियो अपलोड गरेको आरोप लागेको छ । मुम्बई क्राइम ब्रान्चका अनुसार, गहनाले आफ्नो वेबसाइटमा पोर्न भिडियो खिचेर अपलोड गर्ने गरेकी छन् ।

भारतीय सञ्चारमाध्यम जी न्युजको खबरअनुसार, गहना आज (आइतबार) अदालतमा उपस्थित हुनेछिन् । उक्त घटनामा संलग्न रहेको आरोपमा अन्य केही अभिनेत्री र प्रोडक्शन हाउसका कर्मचारीलाई समेत पक्राउ गरिएको छ ।

अभिनेत्री गहना एकता कपुरको एडस्ट सिरिज गन्दी बातमा प्रमुख भूमिकामा देखिएकी छन् । उनले यसअघि मिस एसिया बिकिनीको उपाधि समेत जितिसकेकी छन् ।