विप्लवसँग वार्ता हुने विषयले कतिपयलाई छटपटी भइरहेको छ : प्रधानमन्त्री

विप्लवसँग वार्ता हुने विषयले कतिपयलाई छटपटी भइरहेको छ : प्रधानमन्त्री
आइतवार, फाल्गुन ९, २०७७

काठमाडौँ– प्रधानमन्त्री केपी शर्मा ओलीले आफ्ना विरोधीहरुलाई प्रतिबन्धित विप्लव नेकपासँग हुने भनिएको वार्ताको कुराले छटपटी भएको टिप्पणी गरेका छन् ।

पाँचौ इन्द्रदह पर्यटन महोत्सव आइतबार सम्बोधन गर्दै प्रधानमन्त्री ओलीले प्रतिबन्धित नेत्रविक्रम चन्द्र (विप्लव) समूहसँग सरकारले वार्ता गर्ने तयारी गरेसँगै कतिपयलाई छटपटी भएको टिप्पणी गरेका हुन्।

प्रधानमन्त्री ओलीले फरक राजनीतिक बाटोमा रहेका विप्लव समूहलाई वार्तामा ल्याएर शान्तिपूर्ण राजनीतितर्फ डोहोर्‍याउन आफूले पहल गरिरहेको बताए ।

सम्बोधनकै क्रममा उनले वैशाकमा कुनै पनि हालतमा निर्वाचन भएरै छड्ने बताउँदै दुबै चरणको निर्वान गर्न सरकार तयार रहेको जिकिर गरे ।

प्रधानमन्त्री ओलीले वैशाख १७ गते ४० जिल्लामा र २७ गते अन्य जिल्लामा निर्वाचन हुने बताए ।

प्रधानमन्त्री ओलीले आफ्नो बारेमा कसैले राम्रो भनोस् भनेर आफूले कार्य सम्पादन नगरेको बताउदै जनताको भलो गर्न कार्य सम्पदान गरिरहेको दाबी गरे ।

उनले दाहाल-नेपाल समूहलाई संकेत गर्दै सरकारलाई अवरोध गर्नेहरू पार्टीबाट बाहिरिएपछि मात्रै देश र जनताको पक्षमा उल्लेखनीय काम भएको तर्क गरेका थिए ।