कञ्चनपुरमा सामूहिक बलात्कारको आरोपमा एक पक्राउ

कञ्चनपुरमा सामूहिक बलात्कारको आरोपमा एक पक्राउ
शुक्रबार, जेष्ठ २८, २०७८

कञ्चनपुर– कञ्चनपुरमा एक किशोरीमाथि सामूहिक बलात्कार गरेको आरोपमा प्रहरीले एकजनालाई पक्राउ गरेको छ ।

प्रहरीका अनुसार पक्राउ पर्नेमा बेदकोट नगरपालिका –६ का २३ वर्षीय धनबहादुर बिक छन् । अर्का एकजना फरार रहेको प्रहरीले जनाएको छ ।

जिल्ला प्रहरी कार्यालय कञ्चनपुरका डीएसपी अमर थापाका उनीहरुले मादक पदार्थ खुवाएर १९ वर्षकी किशोरीमाथि सामूहिक बलात्कार गरेको उजुरीको आरोपमा पक्राउ गरिएको हो ।

अहिले प्रहरीले घटनाको बारेमा थप अनुसन्धान गरिरहेको बताएको छ ।