कोरोना संक्रमण दर बढेपछि ए डिभिजन लिग फुटबल प्रतियोगिता रोक्न माग

कोरोना संक्रमण दर बढेपछि ए डिभिजन लिग फुटबल प्रतियोगिता रोक्न माग
मङ्लबार, साउन ५, २०७८

काठमाडौं । ललितपुरका चार क्लबले शहीद स्मारक ए डिभिजन लिग फुटबल प्रतियोगिता रोक्न माग गरेका छन् ।

कोरोना संक्रमण दरमा उल्लेखनीय कमी नआएको भन्दै थ्री स्टार, जावलाखेल युथ, फ्रेण्ड्स र ब्रिगेड ब्वाइज क्लबले शहीद स्मारक ए डिभिजन लिग फुटबल प्रतियोगिता रोक्न अखिल नेपाल फुटबल संघ (एन्फा)सँग माग गरेका हुन् ।

शहीद स्मारक ए डिभिजन लिग फुटबल प्रतियोगिता आगामी असोज ३ गतेदेखि गर्ने तय भएको थियो ।

कोरोना महामारीको भयावह स्थितिमा पनि ए डिभिजन लिग आयोजना गर्नु कुनै पनि हालतमा उपयुक्त नभएको ठहर गर्दै चार क्लबले संक्रमण दरमा कमी आएपछि मात्र लिगलगायत फुटबल गतिविधि गर्न उपयुक्त हुने जनाएका छन् ।