सुनको मुल्य घट्यो, तोलाको कतिमा हुँदैछ कारोबार ?

सुनको मुल्य घट्यो, तोलाको कतिमा हुँदैछ कारोबार ?
आइतवार, साउन १०, २०७८

काठमाडौँ– साताको पहिलो दिन आज सुन चाँदीको मूल्य सामान्य घटेको छ । आज सुन तोलामा एक सय रुपैयाँले घटेको छ ।

नेपाल सुनचाँदी व्यवसायी महासङ्घका अनुसार आज सुनको मूल्य तोलामा ९२ हजार रुपैयाँ तोकिएको छ। पछिल्लो समय सुनको मूल्यमा सामान्य उतारचढाव आइरहेको छ ।

यो हप्ता पनि मूल्य यस्तै रहने अनुमान छ । विश्व बजारमा सुनमा भन्दा शेयरमा आकर्षण बढेकाले तत्कालै सुनको मूल्यमा धेरै उतारचढाव आउने सम्भावना नरहेको नेपाल सुनचाँदी व्यवसायी महासङ्घका पूर्व अध्यक्ष तेजरत्न शाक्यले बताए । यस्तै, आज चाँदीको मूल्य पनि सामान्य घटेको छ ।

चाँदीको मूल्य आज तोलामा १० रुपैयाँले घटेर १२ सय ७० रुपैयाँ तोकिएको छ ।