नेपालमा थप ३ हजार ३६५ जनामा कोरोना संक्रण, १६ जनाको मृत्यु

१ हजार ३७३ डिस्चार्ज

नेपालमा थप ३ हजार ३६५ जनामा कोरोना संक्रण, १६ जनाको मृत्यु
बिहिबार, साउन १४, २०७८

काठमाडौँ– नेपालमा पछिल्लो २४ घण्टामा ३ हजार ३६५ जनामा कोरोना भाइरसको संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरका विभिन्‍न प्रयोगशालामा गरिएको ९ हजार ५५५ जनाको पीसीआर परीक्षणमा २ हजार ३३५ र ४ हजार ६८७ जनाको एन्टिजेन विधिबाट गरिएको परीक्षणमा १ हजार ३० जना गरी कुल ३ हजार ३६५ जनामा कोरोना पुष्टि भएको हो ।

पछिल्लो २४ घण्टामा थप १६ जना कोरोना संक्रमितको मृत्यु भएको छ। सोही अवधिमा मुलुकका विभिन्न अस्पतालबाट १ हजार ३७३ जना कोरोना संक्रमणमुक्त भएको मन्त्रालयले जानकारी दिएको छ ।