Sat May 21 2022
देश

हत्या गरेको अभियोगमा एक जना पक्राउ

काठमाडौं । कास्कीमा हत्या गरेको अभियोगमा प्रहरीले एक जनालाई पक्राउ गरेको छ ।

कास्की, मादी गाउँपालिका–१० मकै खोलास्थित मामा घर बस्ने सोही गाउँपालिका–९ सिप्लिवेशी घर भएकी १७ वर्षीया कोपिला परियारको हत्या गरेको अभियोगमा स्याङ्जा हरिनास गाउँपालिका–६ चालिसे बस्ने ४५ वर्षीय खड्क बहादुर खवासलाई आइतबार प्रहरीले पक्राउ गरेको हो ।

२०७७ असार २५ गते सोही गाउँपालिका–११ मुखिएको सेरस्थित पातिघारीमा शव फेला परेको घटनाको अनुसन्धानका लागि जिल्ला प्रहरी कार्यालय कास्कीबाट खटिएको प्रहरीले जनाएको छ ।

उनलाई जिल्ला प्रहरी कार्यालय स्याङ्जाको सहयोगमा स्याङ्जा पुतलिबजार नगरपालिका(४ शिवमन्दिर चोकबाट पक्राउ गरेको हो ।

उनी उपर जिल्ला अदालत कास्कीबाट कर्तव्य ज्यान सम्बन्धी मुद्दामा १० दिन म्याद थप अनुमति लिई आवश्यक अनुसन्धान प्रकृया अगाडि बढाइएको जिल्ला प्रहरी कार्यालय कास्कीले जनाएको छ ।