बलिउड अभिनेता ऋषि कपुर जो आफ्नै विवाहमा बेहोस भएका थिए

बलिउड अभिनेता ऋषि कपुर जो आफ्नै विवाहमा बेहोस भएका थिए
आइतवार, भदौ २०, २०७८

मुम्बई (नवभारत टाइम्स) – बलिउड अभिनेता ऋषि कपुरले शनिबार मात्र आफ्नो ६६ औं जन्मजयन्ती मनाए । उनको जन्म सन् १९५२ सेप्टेम्बर ४ मा मुम्बईमा भएको थियो । उनलाई प्रेमले सबैले ‘चिन्टु’ भनेर बोलाउँथे । उनले आफ्नो फिल्मी करियरको सुरुवात १८ वर्षको उमेरमा बाल कलाकारको रुपमा गरेका थिए ।

ऋषिले अभिनेत्री नीतू सिंहसँग विवाह गरेका हुन् । उनीहरुको निकटता सन् १९७४ मा फिल्म ‘जहरीला इन्सान’को सेटमा भएको भेटपछि बढेको हो । ऋषि नीतूलाई निकै तनाव दिने गर्दथे । यहीकारण सुटिङ सेटमा उनीहरुको कैयौंपटक झगडा परेको थियो । तर केही समयमा यो झगडा प्रेममा परिवर्तन भयो ।

निर्माता तथा निर्देशक यश चोपडाले फिल्म ‘कभी–कभी’मा ऋषिको अपोजिटमा नीतूलाई कास्ट गरेका थिए । यही फिल्मपछि उनीहरुको अफेयर सुरु भएको थियो ।

दुवैको प्रेमको चर्चा कपूर खानदानसम्म पुगेको थियो । राज कपूरले पनि ऋषिलाई विवाह गर्ने हो भने नीतूसँग गर्नु भनेर स्वीकृति दिएका थिए । दुवैको विवाहको दिन एक रोचक किस्सा भएको थियो ।

विवाहको दिन नीतूले लगाएको लेहंगा यति ठूलो थियो कि त्यसलाई सम्हाल्न नसकेर उनी बेहोस् नै भएकी थिइन् । नीतू बेहोस् भएपछि उनलाई हेर्न वरपरका मानिसको भीड लागेपछि त्यो भीड देखेर ऋषि पनि बेहोस भए । उनी घोडा चढ्नुअघि लड्न खोजिरहेका थिए ।