एमालेद्वारा संसद बैठक अवरुद्ध, अर्को बैठक १५ मिनेटपछि बस्ने

काठमाडौं । नेकपा एमालेले संसद अवरुद्ध गरेको छ ।

एमालेले कारबाही गरेका माधवकुमार नेपालसहितका १४ सांसदलाई कारबाही गरेको सूचना सभामुखले प्रकाशन नगरेको भन्दै एमालेले आजको बैठक अवरुद्ध गरेको हो ।

आजबाट शुरु भएको संसद अधिवेशनको पहिलो दिनकै बैठकमा एमालेले बैठक अवरुद्ध गरेपछि सभामुख अग्नि सापकोटाले १५ मिनटका लागि बैठक स्थगित गरेका छन् ।

एमाले सांसदहरुले रोष्ट्रम घेरेर अवरुद्ध गरेपछि सभामुख सापकोटाले बैठक १५ मिनेटका लाथि स्थगित गरेका हुन् ।