बढ्यो सुनको मूल्य, प्रति तोला कतिमा हुँदैछ कारोबार

बढ्यो सुनको मूल्य, प्रति तोला कतिमा हुँदैछ कारोबार
बुधबार, भदौ ३०, २०७८

काठमाडौँ– साताको चौथो दिन बुधबार नेपाली बजारमा सुनको मूल्य बढेको छ । नेपाल सुनचाँदी व्यवसायी महासंघका अनुसार मंगलबार ९० हजार ६ सय रुपैयाँमा कारोबार भएको छापावाला सुनको मूल्यमा बुधबार ६ सय रुपैयाँले वृद्धि भएर ९१ हजार दुई सय रुपैयाँ कायम भएको छ ।

छापावाल सुन प्रति १० ग्राम ७८ हजार एक सय ९० रुपैयाँ कायम भएको छ । महासंघका अनुसार तेजाबी सुन प्रतितोला ९० हजार सात सय रुपैयाँ कायम भएको छ । तेजाबी सुन प्रति १० ग्रामको मूल्य ७७ हजार सात सय ६० रुपैयाँ कायम भएको छ ।

बुधबार चाँदीको मूल्य स्थिर रहेको छ । प्रतितोला एक हजार २ सय रुपैयाँमा कारोबार भएको छ । प्रति १० ग्राम चाँदीको मूल्य एक हजार २९ रुपैयाँ तोकिएको छ ।