Sun Jan 16 2022
Uncategorized

सरकारले अपहरणकारी महतलाई दियो कैद माफी

काठमाडौं । संविधान दिवसको अवसरमा सरकारले अपहरण मुद्दामा कैद सजाय भोगिरहेका प्रह्लाद महतले सजायबाट माफी दिएका छन् ।

सरकारको निर्णयपछि महत जिल्ला कारागार, रामेछापबाट थुनामुक्त भएका हुन् ।

संविधान दिवसको अवसरमा सरकारको सिफारिसमा राष्ट्रपति विद्यादेवी भण्डारीबाट ५ सय २२ जना कैदीबन्दीलाई सजाय माफी मिनाहा पाएका थिए ।

अपरहरण मुद्दामा कैद सजाय भोगिरहेका अमर टण्डनका मुख्य सहयोगी महत कम्तीमा १९ वटा अपहरणका घटनामा संलग्न रहेको प्रहरी अनुसन्धानबाट खुलेको थियो ।

०६४ साल भदौदेखि क्रमशः शिव सरावगी, सुमित सेरचन, डा. आशुतोष, पवन अग्रवाल, अनित्य गुरुङ, उमेश गर्ग, दिलिप अग्रवाल, ईश्वरदत्त पाण्डे, टीकाराम अर्याल, महेश मुरारका लगायतका व्यक्तिलाई टन्डन समूहले निशाना बनाएको प्रहरी रेकर्ड छ ।

ती अपहरणमा मुख्य सहयागीका रुपमा महतले काम गरेका थिए ।