राष्ट्रपति भण्डारीद्वारा शक्तिपीठहरुको दर्शन

राष्ट्रपति भण्डारीद्वारा शक्तिपीठहरुको दर्शन
बुधबार, अशोज २७, २०७८

काठमाडौं । राष्ट्रपति विद्यादेवी भण्डारीले विभिन्न शक्तिपीठहरुको पूजा अर्चना गर्नुभएको छ ।

आज अपरान्ह ४ बजेदेखि राष्ट्रपति भण्डारीले काठमाडौं उपत्यकाका विभिन्न शक्तिपीठहरुमा पूजा आराधना गर्नुभएको हो ।

उहाँले काठमाडौं उपत्यकाका नक्साल भगवती, गुह्येश्वरी, मैतीदेवी, कालिकास्थान, भद्रकाली, महांकाल, शंकटा, नरदेवी, इन्द्रायणी र शोभाभगवतीको दर्शन गर्नुभएको हो ।

हिन्दु नेपालीहरुको महान चाड विजया दशमी (बडा दशैँ) को आठौं (महाष्टमी) का दिन बिहान काभ्रेपलाञ्चोकको पलाञ्चोक भगवतीमा समेत उहाँले पूजा अर्चना गर्नुभएको थियो ।

महाष्टमीका दिन भगवतीको विशेष पूजाअर्चना गरिन्छ भने मध्यराती बलि दिने र कालरात्रीको पूजा गर्ने चलन छ ।