साफ च्याम्पियनसिप नै नेपालका लागि मेरो अन्तिम प्रतियोगिता हुनेछ- प्रशिक्षक अब्दुल्लाह

साफ च्याम्पियनसिप नै नेपालका लागि मेरो अन्तिम प्रतियोगिता हुनेछ- प्रशिक्षक अब्दुल्लाह
बुधबार, अशोज २७, २०७८

काठमाडौँ– बंगलादेशसँग एक एक गोलको बराबरी खेलेर पहिलो पटक फाइनलमा पुगेपछिको पत्रकार सम्मेलनमा बोल्दै साफ च्याम्पियनसिप पछि आफुले नेपाल टिम छोड्ने बताएका छन ।

नेपाललाई साफ च्याम्पियनसिपको फाइनलमा पुर्याएका मुख्य प्रशिक्षक अब्दुल्लाह अल्मुताइरीले साफ च्याम्पियनसिप नै नेपालका लागि अन्तिम प्रतियोगिता हुने बताएका छन ।

उनले बंगलादेशसँग एक एक गोलको बराबरी खेलेर पहिलो पटक फाइनलमा पुगेपछिको पत्रकार सम्मेलनमा बोल्दै साफ च्याम्पियनसिप पछि आफुले नेपाल टिम छोड्ने बताएका छन ।

उनले पत्रकार सम्मेलनमा अन्तिम तीन दिनदेखि आफु मानसिक तनावमा भएको र नेपाली एक मिडियाले आफुलाई नकारात्मक देखाउन खोजेको भन्दै आक्रोष पोखेका थिए ।

साथै उनले नेपालले फिक्सिङ गरेको भन्नेसम्मको कुरा लेखेको बिषयमा उनी पत्रकारसम्मेलनमा नै आक्रोषित भएका थिए । उनले भने, ‘हामी पनि मानिस हौं । हाम्रो पनि परिवार छ । म यहाँ तपाईहरुलाई सोध्छु, के तपाईंहरु अन्य मान्छेले म्याच फिक्सिङ गर्यो लेख्दा खुसी हुनुहुन्छ ? मलाई मेरो ११ वर्षको छोराले यसबारे सोध्यो । मैले उसलाई के जवाफ दिनु ? यो राम्रो पत्रकारिता भएन ।’

उनले काठमाडौंमा भएको पत्रकार सम्मेलनमा आफुले बोलेको कुरा पुरा भएको र अब साफपछि टिमबाट बाहिरीने निर्णय गरेको बताए ।