Wed Jan 19 2022
देश

दसैँ अवधिभर सवारी दुर्घटनामा परी १६१ जनाको मृत्यु

 

काठमाडौं । यो वर्षको दसैँ अवधिमा सवारी दुर्घटनामा परी कात्तिक १ गतेसम्म दुर्घटनाका कारण १६१ जनाको मृत्यु भएको छ ।

प्रहरी प्रधान कार्यालयका अनुसार दसैँको घटस्थापनपछि कात्तिक १ गतेसम्मसवारी दुर्घटनाका कारण ठूलो मानवीय क्षति भएको छ ।

प्रहरी प्रधान कार्यालयका अनुसार फूलपातीको दिन मुगुमा बस दुर्घटना हुँदा ३२ जनाको मृत्यु भयो ।

नेपालगञ्जबाट मुगु सदरमुकाम गमगढी जाँदै गरेको छायाँनाथ रारा यातायात प्रालिले संचालन गरेको भे.१ख ३१६७ नम्बरको बस जुम्ला–मुगु सडक खण्डको पिनातपने खोलामा पल्टेको थियो ।

यसैगरी दसैँको अवधिमै कास्कीमा जीप दुर्घटना हुँदा ८ जनाले ज्यान गयो । अन्नपूर्ण गाउँपालिका–१० स्थित घान्द्रुक नजिकै ग १ ज ६९०० नम्बरको जिप दुर्घटना भएको थियो ।

सोही अवधिमा काठमाडौं उपत्यकामा ३०८ वटा दुर्घटना भएका छन् । जसमा ३ जनाले ज्यान गुमाए ।