सम्मेलनमा डा. शाहीले नेपालमा परिशुद्धता ओन्कोलोजीको माहत्व र बिरामीलाई पुग्ने फाइदाका विषयमा प्रस्तुति दिएका छन् ।

उनले भने ‘क्यान्सर उपचारमा प्रेसिजन ओन्कोलोजी सबैभन्दा उपयोगी हुनसक्छ, जुन उपचारले बिरामीमा आशा जगाउँछ।

‘हरेक बिरामीको क्यान्सर फरक फरक हुन्छ । प्रेसिजन ओन्कोलोजी बिरामीको क्यान्सरको अणुवांशिक उत्परिवर्तन पहिचान गरेर सटीक उपचारको नयाँ विधि हो । उनले भने । क्यान्सर विश्वभर नै प्रमुख स्वास्थ्य चुनौती भएको उनको भनाइ छ ।

क्यान्सर रोगलाई विश्वभर हुने मृत्युको प्रमुख कारण मानिन्छ । मानव स्वास्थ्यमा क्यान्सरको सबैभन्दा घातक प्रभावहरू मध्ये एक यो हो कि यो प्रारम्भीक चरणहरूमा पत्ता लगाउन गाह्रो हुन्छ र पछिको चरणहरूमा उपचार गर्न गाह्रो हुन्छ । रेडियोथेरापी र केमोथेरापीसँगै एक्काइसौं शताब्दीमा पनि क्यान्सर उपचारको सबैभन्दा सामान्य तरिकाको शल्यक्रिया हो। उनले भने ।

सो सम्मेलनमा क्यान्सरसम्बन्धी उत्कृष्ट काम गरेका अमेरिका, बेलायत लगायतका ८ देखि १० मुलुकका चिकित्सकको सहभागिता छ ।

रिलायन्स इण्डस्ट्रिजका संस्थापक उद्योगपति धीरुभाई अम्बानीकी पत्नी कोकिलाबेन अम्बानीको नामबाट उक्त अस्पतालको नामाकरण गरिएको हो । ७५० शैयाको यो अस्पताल सन् २००९ बाट सञ्चालनमा आएको हो ।

यस अस्पताल भारतमामात्रै नभई एसियामै प्रतिष्ठित मानिन्छ । कोकिलाबेन धीरुभाई अम्बानी अस्पतालमा एसियाकै पहिलो ३ कोठाको इन्ट्रा–अपरेटिभ एमआरआई सुइट, भेरियन मेडिकल सिस्टम्सबाट एसियाको पहिलो रेडियो सर्जरी प्रणाली, ओ–आर्म सुविधा भएको भारतको पहिलो स्पाइन सर्जरी सुइट र अन्य धेरै सुविधा उपलब्ध छन् ।

विगत केही वर्षदेखि यस्तो सम्मेलन हुँदै आए पनि नेपालबाट भने डा. शाही पहिलो पटक सहभागी भएका हुन् ।