Sun Jan 16 2022
देश

चुलो बाल्ने क्रममा ग्यास लिक हुँदा घरमा आगलागी

भक्तपुर। भक्तपुरमा ग्यास लिक भएर आगलागी हुँदा करिब पाँच लाख बराबरको धनमाल जलेर नष्ट भएको छ ।

मध्यपुरथिमि नगरपालिका–२, जातिगालस्थित दिलीप केसीको घरमा मंगलबार दिउँसो भान्छामा चुलो बाल्ने क्रममा ग्यास लिक भएर आगलागी भएको हो ।

आगलागीपछि महानगरीय प्रहरी प्रभाग सानोठिमीबाट खटिएको प्रहरी टोली र स्थानीयवासीको सहयोगले आगो नियन्त्रणमा लिएको प्रहरीले जानकारी दिएको छ ।

आगलागीबाट भौतिक क्षति भए पनि मानवीय क्षति भने नभएको प्रहरीको भनाइ छ ।