Fri Jan 28 2022
देश

तिहारका लागि माटाको दियो बनाउन भ्याईनभ्याई

जिबन रानाभाट, काठमाडौं । नेपालीको महान पर्व तिहार नजिकिदैछ ।

यसका लागि आवश्यक सामग्री फलफूल, सयपत्री र मखमली फूलको माला, भाई मसलासँगै दियो बाल्ने पालाको समेत खपत र माग दिनानुदिन बढ्दो छ ।

पछिल्लो केहि वर्षयता आधुनिक बत्तिका कारण माटाका पाला लोप हुँदै गएका छन् ।

यी हुन भक्तपुर नगरपालिका ४ का ६५ बर्षीया तुलसीराम प्रजापति ।

५० बर्ष भन्दा बढी समय देखि माटाका सामग्री बनाउँदै आएका प्रजापतिले तिहारका लागि भन्दै माटाको पाला बनाइरहेका छन् ।

तिहारको समयमा राम्रो आम्दानि हुने अपेक्षा गरेका प्रजापतिले यस बर्ष भने आफुले सोचे जस्तो पाला बिक्री नभएको गुनासो गरे ।

तिहार नजिकिएसँगै यसको रौनक बढ्न थालेको छ । तिहारका लागि किनमेल गर्नेको घुइँचो बजारमा देखिन थालेको छ ।

विशेषगरी धनकी देवी लक्ष्मीको पूजा गर्ने पर्व भएकाले तिहारमा फलफूल, सयपत्री फूलसँगै झिलीमिली बत्ती बाल्ने गरिन्छ ।

तिहारको लक्ष्मी पूजाको दिन दिपावली गर्न घरको दैलो, झ्याल ढोका, कौशी, बरण्डालगायत स्थानमा पालाको दियो बाली झिलीमिली पारिन्छ ।

स्थानिय तहले समन्वयन नगर्दा माटोको सामाग्री बनाउन आवश्यक पर्ने माटोको अभाब हुन थालेको व्यवसायीहरुको गुनासो छ । वडाले कसरी समन्वय गर्दै छ त ?

पछिल्लो समय तिहारमा विद्युतीय बत्तीको माग उच्च हुन थालेको छ ।

बजारमा विभिन्न खाले प्लास्टिकको दियो र विद्युतीय बत्तीहरुले माटोको पालालाई विस्थापित गर्दै लगेको छ ।

त्यहिमाथि माटोको अभाबले पाला बनाउन कठिन हुन थालेको व्यवसायीहरुको गुनासो छ । त्यसैले यसको संरक्षण तर्फ सम्बन्धित निकायको ध्यान जान जरुरी छ ।