रहेनन् कन्नड सुपरस्टार अभिनेता पुनित राजकुमार

रहेनन् कन्नड सुपरस्टार अभिनेता पुनित राजकुमार
शुक्रबार, कार्तिक १२, २०७८

एजेन्सी – कन्नड सुपरस्टार अभिनेता पुनित राजकुमारको ४६ वर्षको उमेरमा हृदयघातका कारण निधन भएको छ ।

बैंगलुरूस्थित बिक्रम हस्पिटलमा बिहीबार भएको हो ।

जिममा रहेका पुनित अचानक ढलेपछि उनलाई तत्काल हस्पिटल लगिएको थियो । अस्पतालमा ल्याउँदा नै उनको अवस्था बिग्रिसकेको थियो ।

उनको उपचारमा संलग्न डाक्टर रंगनाथ नायकद्वारा जारी स्टेटमेन्ट अनुसार उनलाई छातीमा दुखाइ भएपछि ११ बजेर ३० मिनेटमा अस्पताल पुर्याइएको थियो ।

उनको गत अप्रिलमा युवराथना नामक फिल्म रिलिज भएको थियो । जेम्स नामक उनको फिल्म छायांकन भरहेको छ ।

पुनितको मृत्युको खबर सार्वजनिक भएसँगै कलाकारहरूले सामाजिक संजालमार्फत श्रद्धान्जली व्यक्त गरिरहेका छन् ।

शिव राजकुमारका दाई समेत रहेका पुनितले सन् १९७६ बाट बाल कलाकारको रुपमा अभिनय सुरू गरेका थिए ।