Wed Jan 19 2022
अन्तर्राष्ट्रिय

इटालीमा अफगानी समुदायद्वारा पाकिस्तानविरुद्ध प्रदर्शन

रोम – इटालीमा पाकिस्तानविरुद्ध प्रदर्शन भएको छ।

इटालीमा रहेका अफगानी समुदायका प्रमुख काइहान माश्रिकवालको नेतृत्वमा आइतबार मिलान सेन्ट्रल रेलवे स्टेशनमा प्रदर्शन भएको हो।

प्रदर्शनकारीहरूले अफगानिस्तानमा विनाश मच्चाएको भन्दै पाकिस्तान सरकार र सेनाविरूद्ध नाराबाजी गरेका थिए ।

उनीहरूले सन् १९७१ मा पाकिस्तानी सेनाले देशमा आक्रमण गर्दा अफगानीहरूले भोगेको बंगलादेशीहरूको कठिनाइसँग पनि तुलना गरेका छन्। यसअघि अगस्तमा रोमको मुटुमा रहेको रिपब्लिका स्क्वायरमा तालिवान विरोधी प्रदर्शन भएको थियो।

यसैबीच आइतबार तालिबानले पहिलो पटक पुरानो सरकार ९इस्लामिक रिपब्लिक अफ अफगानिस्तान० को पतन जनताको हितमा नभएको र यो योजनाबद्ध नभएको स्वीकार गरेको छ। सूचना तथा संस्कृति उपमन्त्री जबिउल्लाह मुजाहिदले टोलो न्युजसँगको विशेष अन्तर्वार्तामा उक्त कुरा बताएका हुन्।