Wed Jan 19 2022
देश

पर्व लक्षित गरी ६१ व्यापारिक पसलमा अनुगमन

काठमाडौं । काठमाडौं महानगरपालिकाले पर्व लक्षित गरी ६१ व्यापारिक पसलमा अनुगमन गरेको छ ।

बजार व्यवस्थापनका लागि गरेको १९ दिने बजार अनुगमनका वेला ६१ व्यापारिक पसलमा अनुगमन गरेको हो ।

महानगरपालिकाले यीमध्ये अनुचित व्यापारिक क्रियाकलाप गर्ने ११ वटालाई ४ लाख ६० हजार रुपैयाँ जरिवाना तिराएको जनाएको छ ।

जरिवाना गराएकामध्ये ७० हजार रुपैयाँ वाणिज्य विभागको खातामा र ३ लाख ९० हजार रुपैयाँ महानगरपालिकाको खातामा जम्मा महानगरपालिकाका महानगरले जनाएको छ ।

आफ्नै निरीक्षण अधिकृत तोक्नुअघि गरिएको जरिवाना वाणिज्यको खातामा र त्यसपछिको जरिवाना महानगरको आफ्नै राजस्व खातामा जम्मा गरिएको हो ।

अनुगमनका क्रममा देखिएको सबैभन्दा बढी समस्या खानेकुरा तयार पार्न प्रयोग गरिने कच्चा बस्तुको गुणस्तरमा रहेको निरीक्षण अधिकृत हरिबहादुर भण्डारीले बताए ।