काठमाडौं । भारतमा जारी इन्डियन प्रिमियर लिग(आइपीएल)मा आज बिहिबार एक खेलको आयोजना हुदैछ ।
आज हुने खेलमा रोयल च्यालेन्जर्स बेंगलोर र सनराईजर्स हैदराबादबीच खेल हुनेछ ।
हैदराबादको घरेलु मैदान राजिब गान्धि क्रिकेट स्टेडियममा हुने खेल नेपाली समयअनुसार बेलुका पौने आठमा सुरु हुनेछ ।
पछिल्लो खेलमा बलियो मानिएको राजस्थान रोयल्सलाई १ सय १२ रनको फराकिलो अन्तरले पराजित गरेको बेंगलोर उच्च लयमा रहेको छ ।
बेंगलोर १२ खेलमा ६ जित र ६ हारका साथ पाँचौ स्थानमा रहेको छ । यस खेलमा जित हात पारेर बेंगलोर प्लेअफको सम्भावना बलियो बनाउन चाहन्छ ।
प्रतियोगिताबाट बाहिरिसकेको हैदराबाद बेंगलोविरुद्ध जित दर्ता गरेर बेंगलोरलाई प्लेअफको सम्भावनाबाट पर पुर्याउन चाहन्छ ।
१२ खेलमा ४ जित र ८ हारका साथ हैदराबाद अंक तालिकाको पुछारमा रहेको छ ।
दुई टोलीबीच भएका पछिल्ला पाँच खेलमा हैदराबाद बलियो देखिएको छ । हैदराबाद पाँच मध्ये तीन तथा बेंगोलरले दुई खेल जितेको छ ।
दुई टोलीबीच सिजनको पहिलो खेल हो । २०२२ मा भएको पछिल्लो खेलमा बेंगलोर ६७ रनले विजयी भएको थियो ।
सम्बन्धित समाचार
लोकप्रिय समाचार
