काठमाडौं । सहिद स्मारक ‘ए’ डिभिजन लिग फुटबल अन्तर्गत आज आइतबार दुई खेलहरु हुँदैछन् ।
दोस्रो लेगको नवौं चरण अन्तर्गत आइतबार दुई खेलहरु हुनेछन् । जसमा एक खेल च्यासल मैदान र एक खेल एन्फा कम्प्लेक्समा हुनेछ ।
च्यासल मैदानमा सातदोबाटो युथ क्लब र न्युरोड टिम एनआरटीबीच प्रतिस्पर्धा हुनेछ । सातदोबाटो र एनआरटीबीचको खेल दिउँसो ३ बजे सुरु हुनेछ ।
सातदोबाटो आज नवौं जितको योजनामा हुनेछ । सातदोबाटो २१ खेलमा २९ अंक जोडेर पाँचौं स्थानमा रहेको छ ।
एनआरटी सातौं जितको खोजीमा हुनेछ । एनआरटी २१ खेलमा २६ अंक जोडेर दशौँ स्थानमा रहेको छ ।
एन्फा कम्प्लेक्समा मनाङ मर्स्याङ्दी क्लब र थ्री स्टार क्लबबीच प्रतिस्पर्धा हुनेछ । दुई टोलीबीचको खेल दिउँसो ३ बजे सुरु हुनेछ ।
मनाङ छैटौं जितको खोजीमा हुनेछ । मनाङ २१ खेलमा २५ अंक जोडेर १२ औं स्थानमा रहेको छ ।
थ्री स्टार सातौं जित निकाल्न चाहन्छ । थ्री स्टार २१ खेलमा २६ अंक जोडेर नवौं स्थानमा रहेको छ ।
सम्बन्धित समाचार
लोकप्रिय समाचार
