Sun Jan 16 2022
मुख्य खबर

म्याग्दीका पाँच पालिकामा माओवादी केन्द्रको सर्वसम्मत नेतृत्व

पोखरा- नेकपा माओवादी केन्द्र म्याग्दीका पाँच वटै स्थानीय तहमा सर्वसम्मत नेतृत्व चयन गरिएको छ ।

एक नगरपालिका र चार गाउँपालिका रहेको म्याग्दीमा आइतबार नयाँ नेतृत्व चयन भएको हो । म्याग्दी माओवादीका अनुसार बेनी नगरपालिकाको अध्यक्षमा सेरबहादुर केसी चयन भएका छन् ।

यस्तै, रघुगंगा गाउँपालिकाको अध्यक्षमा हरि भण्डारी, धवलागिरी गाउँपालिका अध्यक्षमा यामन रोका, मालिका गाउँपालिका अध्यक्षमा दोरण शेरचन र मंगला गाउँपालिका अध्यक्षमा याम रोका चयन भएका हुन् ।

नेतृत्व सहित आउँदो तीन वर्षका लागि पालिका कमिटी चयन भएको छ । सबै पालिकाबाट प्रदेश अधिवेशनका लागि प्रतिनिधि पनि चयन भएका सांसद तथा माओवादी नेता विनोद केसीले जानकारी दिए ।