काठमाडौं । इंग्लिस क्लब वेस्ट ह्याम युनाईटेडले युरोपा कन्फरेन्स लिगको उपाधि जितेको छ । बुधबार राति भएको फाइनलमा इटालियन क्लब फियोरेन्टिनालाई २-१ गोल अन्तरले हराउँदै वेस्ट ह्याम विजयी भएको हो।
खेलको ६२ औं मिनेटमा सेद बेन्रह्माले पेनाल्टीमार्फत गोल गर्दै वेस्ट ह्यामलाई सुरुआती अग्रता दिलाएका थिए ।
खेलको ६७ औं मिनेटमा जियाकोमा बोनाभेन्तुराले गोल गर्दै फियोरेन्टिनालाई १-१ गोलको बराबरीमा ल्याए ।
त्यसपछि खेलको ९० औं मिनेटमा जारोड बोवेनले गोल गर्दै वेस्ट ह्यामलाई २-१ को जित दिलाए । वेस्ट ह्यामले ४३ वर्षपछि मुख्य उपाधि जितेको हो ।
यस उपाधिसँगै वेस्ट ह्यामले आगामी सिजनको युरोपा लिगमा समेत स्थान पक्का गरेको छ ।
सम्बन्धित समाचार
लोकप्रिय समाचार
