Wed Jan 26 2022
देश

कोरोना खोप लगाएकी महिलाको मृत्यु

काठमाडौं । कोरोना सङ्क्रमणविरुद्धको खोप लगाएकी एक महिलाको कोभिड–१९ बाट मृत्यु भएको छ ।

मकवानपुर हेटौँडा उपमहानगरपालिका–१४ की ६३ वर्षीया महिलाको आज बिहान हेटौँडा अस्पतालमा उपचारका क्रममा मृत्यु भएको हो ।

अस्पतालका कोभिड इन्चार्ज डा प्रशान्त बिडारीका अनुसार चार दिनअघि ती महिलामा कोरोना सङ्क्रमण पृष्टि भएको थियो ।

उनी मिर्गौला र मधुमेह रोगबाट समेत पीडित थिइन् । उनलाई कारोना सङ्क्रमण हुुनु अगावै कोरोनाविरुद्धको खोप लगाइएको अस्पतालले जनाएको छ ।