Mon Jan 17 2022
मुख्य खबर

बर्दिया राष्ट्रिय निकुञ्जमा आजदेखि बाघको गणना सुरु

बर्दिया राष्ट्रिय निकुञ्ज क्षेत्रमा आज बाघ गणना सुरु हुँदैछ ।

बाघ गणनाका लागि बर्दिया र बाँके राष्ट्रिय निकुञ्जको बर्दिया–बाँके कम्प्लेक्समा चार वटा ब्लक विभाजन गरी सात सय २२ ग्रिडमा क्यामरा राखिने र प्राविधिकसहित ९८ जना जनशक्ति खटिने बर्दिया राष्ट्रिय निकुञ्जले जनाएको छ ।

राष्ट्रिय निकुञ्ज तथा वन्यजन्तु संरक्षण विभाग, राष्ट्रिय प्रकृति संरक्षण कोष, डब्लुडब्लुएफ नेपाल, जेड एस एल नेपालको संयुक्त पहलमा बाघ गणना गर्न थालिएको हो । हरेक चार वर्षमा बाघ गणना गरिन्छ ।

गत मंसिर १९ गतेदेखि चितवन-पर्सा कम्प्लेक्समा बाघ गणना सुरु भइसकेको छ । सन् २०२२ सम्ममा नेपालमा बाघको संख्या दोब्बर अर्थात् दुई सय ५० पर्‍याउने सरकारको लक्ष्य छ ।