Fri Jan 21 2022
Uncategorized

दक्षिण अफ्रिकी मुलुक घानाको संसदमा सांसदहरुबीच मुक्का हानाहान

एजेन्सी । दक्षिण अफ्रिकी मुलुक घानाको संसदमा सांसदहरुबीच मुक्का हानाहान भएको छ ।

विद्युतीय कारोबारमा कर लगाउन प्रस्ताव संसदमा ल्याइएपछि घानाको संसदमा प्रस्तावका पक्ष र विपक्षी सांसदहरुबीच मुक्का हानाहान भएको हो ।

प्रस्तावका पक्षमा मतदानका लागि उठेका उपसभामुख जोसेप ओसी ओउसुलाई विपक्षी सांसदहरुले रोकेर घेराउ गरेपछि विवाद चर्किएको हो ।

उपसभामुखले अध्यक्षता गरेको उक्त बैठक कुटाकुटको स्थिति सिर्जना भएपछि स्थगित गरिएको छ ।

प्रमुख विपक्षी दल नेशनल डेमोक्रयाटिक कंग्रेस (एनडीसी) ले विद्युतीय कारोबारमा १ दशमलब सात पाँच प्रतिशत कर लगाउने सरकारको प्रस्तावलाई अस्वीकार गरेको छ ।