Mon Aug 8 2022
मुख्य खबर

माओवादीबाट निर्वाचित गाउँपालिका अध्यक्षलाई ओलीले एमालेमा ल्याए

माओवादी केन्द्रबाट गाउँपालिकाको अध्यक्षमा निर्वाचित भएका एक नेता विहीबार एमाले प्रवेश गरेका छन् । पर्साको जगरनाथपुर गाउँपालिकाका अध्यक्ष जालिम मियाँ एमाले प्रवेश गरेका हुन् । उनलाई पार्टीमा स्वागत गर्न एमाले अध्यक्ष केपी शर्मा ओली विहीबार पर्सा पुगेका थिए ।

पर्साको जगरनाथमा आयोजित आमसभा कार्यक्रममा ओलीले जालिम मियाँलाई पार्टीमा स्वागत गरे । सो अवसरमा सम्बोधन गर्दै ओलीले सबै क्षेत्रका नेपालीहरुको प्रतिनिधित्व गर्ने पार्टीका रुपमा स्थापित नेकपा एमालेले आगामी निर्वाचनमा बहुमत प्राप्त गर्ने विश्वास दिलाउँदै त्यसका लागि देशभर यस्ता पार्टी प्रवेश कार्यक्रमहरु भइरहेको उल्लेख गरे।

कार्यक्रममा पार्टीका उपाध्यक्ष विष्णुप्रसाद पौडेल, केन्द्रीय कमिटी सदस्यद्वय निर्मला देवकोटा र राजकुमार गुप्ता, प्रदेश कमिटी सदस्य जयप्रकाश थारु, जालिम मियाँलगायतले बोलेका थिए ।