Tue Jan 25 2022
कर्णाली प्रदेश

ज्येष्ठ नागरिक दिवसः धुम्रपान निषेधको घोषणा

जुम्ला । आज (११ पुस)जेष्ठ नागरिक दिवस । नेपालमा पनि विभिन्न कार्यक्रम गरि मनाइएको छ । सो अवसरमा जुम्लाका जेष्ठ नागरिकले धुम्रपान निषेधको घोषणा गरेका छन् ।

ज्येष्ठ नागरिक दिवस मनाउने क्रममा उनीहरूले आफ्नो क्षेत्रमा कुनै पनि प्रकारको सुर्ती सेवन नगर्ने र गर्न नदिने घोषणा गरेका हुन् ।

ज्येष्ठ नागरिकलाई सामाजिक सुरक्षाभत्ता प्रदान गर्ने घोषणा गरेको ऐतिहासिक दिनको सम्झनामा जेष्ठ नागिरक दिवस मनाउने गरिन्छ ।

यही क्रममा जुम्लाका जेष्ठ नागरिकले धुम्रपान निषेध क्षेत्र घोषणा गरेका हुन् ।

कतिपयले साथीभाईको करले, केहीले तनाव घटाउँछ भन्ने गलत मानसिकताले र केहीले हर्षबढाइँ वहानामा सुर्तीजन्य पदार्थ सेवन गरिरहेका कारण धेरैको स्वास्थ्यमा समस्या भएकोले जेष्ठनागरिकहरूले आफ्नो क्षेत्रलाई धुम्रपान निषेध क्षेत्र घोषणा गरेको तुलाराम न्यौपानेले जानकारी दिएका छन् ।