काठमाडौं । साफ च्याम्पियनसिप फुटबलको उपाधिका लागि आज (मंगलबार) भारत र कुवेतबीच प्रतिस्पर्धा हुदैछ । बैंग्लोरको श्री कान्तीरावा स्टेडियममा हुने खेल राति पौने ८ बजे सुरु हुनेछ ।
नवौं पटक उपाधि जित्ने लक्ष्यमा रहेको भारतलाई कुवेतले कडा टक्कर दिने आकलन गरिएको छ । भारतीय टिमलाई घरेलु दर्शकको जबरदस्त समर्थन रहने देखिन्छ ।
भारतीय टिमलाई डिफेन्डर सन्देश झिगनको पुनरागमनले राहत दिनेछ । दोहोरो पहेलो कार्डका कारण उनी लेबनानविरुद्ध खेलेका थिएनन् । भारतीय टिम कप्तान सुनील क्षेत्रीमा पुरा भर रहनेछ, उनले प्रतियोगितामा ५ गोल गरेका छन् ।
भारतले लेबनानलाई पेनाल्टी सुटआउटमा हराउँदै फाइनलमा स्थान बनाएको थियो भने कुवेतले बंगलादेशलाई अतिरिक्त समयमा १–० ले पराजित गरेको थियो ।
प्रतियोगितामा दोस्रो पटक दुवै टिम भिड्न लागेका हुन् । समूह चरणमा दुवै टिमले १–१ गोलको बराबरी खेलेका थिए । अन्तिम मिनेटमा अनवरी अलीले आत्मघाति गोल गरेपछि भारतले बराबरी खेलेको थियो ।
सम्बन्धित समाचार
लोकप्रिय समाचार
