काठमाडौ । घोराही सिमेन्टले प्राथमिक सेयर (आईपीओ) पुनः बिक्री खुला गरेको छ । कम्पनीले आज असार २२ गते शुक्रबारदेखि आईपीओ पुनः बिक्री खुला गरेको हो ।
यस आईपीओमा असार २४ गतेसम्म आवेदन दिन सकिनेछ । उक्त अवधिमा सबै आईपीओ बिक्री नभए असार ३१ गतेसम्म आईपीओ खुला हुने कम्पनीले जनाएको छ । यस्तै आवेदन रद्द गर्न चाहनेले आजबाट आइतबारसम्म आवेदन रद्द गर्न सक्नेछन् ।
यसका लागि सम्बन्धित बैंकमा निवेदन दिनुपर्नेछ । यदि आवेदन दिएको भन्दा बढी कित्ता चाहेमा पनि यहि प्रक्रिया अपनाउँन सकिनेछ । कम्पनीले प्रिमियम मूल्यसहित प्रतिकित्ता ४ सय ३५ रुपैयाँ आईपीओ जारी गरेको हो ।
यस कम्पनीले जेठ ३२ गतेदेखि सर्वसाधारणको लागि आर्इपीओ जारी गरेको थियो । कम्पनीले आईपीओ जारी गरेको ५औं दिनमा धितोपत्र बोर्डले असार ४ गते आईपीओनिष्कासन प्रक्रिया स्थगित गरेको थियो । बोर्डले पुन खुला गर्न पाउने व्यवस्था गरेपछि कम्पनीले आईपीओ बिक्री पुन खुला गरेको हो ।
