Mon Jan 17 2022
मुख्य खबर

बिम्स्टेकमा नेपालको रचनात्मक संलग्नता रहने देउवाको प्रतिबद्धता

प्रधानमन्त्री शेरबहादुर देउवासँग बहुक्षेत्रीय प्राविधिक तथा आर्थिक सहयोगका लागि बंगाल खाडीको प्रयास ९बिम्स्टेक० का महासचिव तेन्जिङ लेकफेलले बालुवाटारस्थित प्रधानमन्त्री निवासमा भेटवार्ता गरेका छन् ।

परराष्ट्र मन्त्रालयका अनुसार नेपालको चारदिने परिचयात्मक भ्रमणमा रहेका महासचिव लेकफेलसँग प्रधानमन्त्री देउवाले बिम्स्टेकजस्ता क्षेत्रीय संगठनमा नेपालको रचनात्मक संलग्नता रहिरहने र बिम्स्टेक प्रक्रियाप्रति नेपालको पूर्ण प्रतिबद्धता रहेको बताएका थिए । उनले बिम्स्टेकको प्रगतिलाई सुदृढ तुल्याउन तथा क्षेत्रीय सहयोगको चाहनालाई साकार पार्न महत्वूर्ण उपलब्धि हासिल हुने विश्वास व्यक्त गरेका थिए ।

महासचिव लेकफेलले काठमाडौंमा सम्पन्न चौथो बिम्स्टेक शिखर सम्मेलन सहयोगका क्षेत्रलाई सुव्यवस्थित र संस्थागत सुदृढीकरणका लागि महत्वपूर्ण कोसेढुंगा भएको बताउदै नेपालको प्रतिबद्धताको सराहना गरेका थिए ।

श्रीलंकाले कोरोना महामारीका कारण रोकिएको बिम्स्टेकको पाँचौ शिखर सम्मेलन आगामी चैतमा आयोजनाको प्रस्ताव गरेको छ । २०५४ सालमा स्थापित बिम्स्टेकमा बंगलादेश, भारत, श्रीलंका, थाइल्याण्ड, भुटान, म्यान्मार र नेपाल सदस्य छन् ।