Fri Jan 28 2022
देश

ललितपुरमा पिसाब फर्दै गर्दा करेन्ट लागेर बस चालकको मृत्यु

ललितपुर । ललितपुरको कोञ्ज्योसोम–३ शंखु छापकमा पिसाब फर्दै गर्दा करेन्ट लागेर बस चालकको मृत्यु भएको छ ।

गोटिखेलबाट चापागाँउतर्फ जाँदै गरेको बा.३ ख. ४१०८ नम्बरको बसको टायर पञ्चर भई रोकीराखेको अवस्थामा पिसाब फेर्ने क्रममा करेन्ट लागेर बस चालक कोञ्ज्योसोम दलचोकी बस्ने ३५ वर्षीय शम्भु घिमिरेको मृत्यु भएको प्रहरी कार्यालय गोटीखेलका प्रहरी हलल्दार प्रकाश श्रेष्ठले जानकारी दिए ।

हवल्दार श्रेष्ठका अनुसार करेन्ट लागेर घाइते भएका घिमिरेलाई उपचारका लागि कीर्तिपुर अस्पताल पुर्‍याइए पनि चिकित्सकले मृत घोषणा गरेका थिए ।

बिहीबार साँझ ५ बजेर २५ मिनेटको समयमा घिमिरे ढलेपछि उठाउन जाँदा करेन्ट लागेको थाहा भएको प्रहरीले बताएको छ ।