Thu Jun 30 2022
अन्तर्राष्ट्रिय

काजकिस्तानमा प्रदर्शन चर्किएपछि रुसी सेना परिचालन

काठमाडौ । रुसले काजाकिस्तानमा आफ्नो शान्ति सेना पठाएको छ । रुसले सोभियत संघको पूर्वघटक राष्ट्र र सैन्य साझेदार काजकिस्तानमा हिंसात्मक अशान्ति रोक्न आफ्नो शान्ति सेना पठाएको हो ।

इन्धनको मूल्यवृद्धिलाई लिएर सन् १९९१ मा स्वतन्त्र राष्ट्र बनेयताकै सबैभन्दा ठूलो विरोधको सामना गरेपछि काजकिस्तानले सहयोग माग गरेको थियो ।

रुस, बेलारुस, ताजिकिस्तान, किर्गिस्तान र अर्मेनियाका सैनिक सम्मिलित सीएसटीओ आबद्ध गठबन्धन सेना कजाख्स्तानमा परिचालन गरिएको हो ।

प्रदर्शनका क्रममा कम्तीमा १२ जनाको मृत्यु भएको छ । झडपमा परेर ज्यान गुमाउनेमा अधिकांश प्रहरी रहेको बताइएको छ ।