काठमाडौँ । नेकपा (एकीकृत समाजवादी)को जारी केन्द्रीय सचिवालय बैठकमा सदस्यहरूले उठाएका प्रश्नको अध्यक्ष माधवकुमार नेपालले जवाफ दिँदै छन् ।
प्रचार विभाग प्रमुख समेत रहेका नेता जगन्नाथ खतिवडाले आजको बैठकमा सचिवालय सदस्यहरूले उठाएका प्रश्नहरूको अध्यक्ष नेपालले जवाफ दिने कार्यसूची रहेको छ ।
चम्पादेवीमा जारी बैठकमा यसअघि १४ जना सचिवालय सदस्यहरूले आफ्नो धारणा राखिसकेका छन् । सदस्यहरूको जवाफपछि अध्यक्ष नेपालले वर्तमान राजनीतिक परिस्थिति र पार्टीको कार्यभार र अन्य एजेन्डाका बारेमा धारणा राख्ने भएकाले बैठक दिनभर चल्ने नेताहरूको भनाइ छ ।
बैठक गत असार २९ गतेबाट सुरु भएको हो । सचिवालयको ६१ औँ बैठकमा नेताहरूको कार्यविभाजन, कमिटी समायोजन तथा थपघट, सरकार र संसद्लगायतका विषयमा निर्णय गर्ने तयारी छ ।
