Sat Jul 2 2022
Breaking News

उपत्यकाका बालबालिकालाई आजदेखि कोरोना खोप

काठमाडौँ । सरकारले काठमाडौं उपत्यकामा आजदेखि बालबालिकाहरुलाई कोरोनाविरुद्धको खोप दिँदै छ । १२ देखि १८ वर्षभन्दा मुनिको उमेरका बालबालिका तथा विद्यार्थीहरुलाई खोप दिन लागिएको हो ।

स्वास्थ्य तथा जनसंख्या मन्त्रालयले सोमबार एक सूचना जारी गर्दै आज ९मंगलबार० देखि उपत्यकाका तीन वटै जिल्लाका विद्यालयहरूमा उक्त खोप लगाउने जानकारी दिएको हो । यद्यपि तीनै जिल्लाका स्थानीय तह तथा वडाहरुमा भने बालबालिकाहरुलाई केही दिनअगाडिदेखि नै खोप दिन थालिएको छ ।

आजबाट भने सबै स्थानमा अनिवार्य खोप अभियान सुरु गरिन लागेको हो । विद्यार्थी तथा बालबालिकालाई उमेर खुल्ने कागजातको आधारमा तोकिएका खोप केन्द्रहरुबाट खोप दिइनेछ । उनीहरुलाई फाइजर र मोडर्ना खोप लगाइने मन्त्रालयले जनाएको छ । तर खोप लगाउँदा आवश्यक स्वास्थ्य मापदण्ड पालना गर्न र भीडभाड नगर्न पनि मन्त्रालयले आग्रह गरेको छ ।