Mon Jan 17 2022
अन्तर्राष्ट्रिय

उत्तर कोरियाद्वारा ब्यालिस्टक मिसाइल परीक्षण

एजेन्सी । उत्तर कोरियाले आज विहान फेरि अर्को मिसाइल परीक्षण गरेको छ ।

हाइपरसोनिक मिसाइल परीक्षण गरेको बताएको एक साता नवित्दै उत्तर कोरियाले अर्को मिसाइल परीक्षण गरेको दक्षिण् कोरिया र जापानले बताएका छन् ।

स्थानीय समय अनुसार आज विहान ७ बजेर २७ मिनेट जाँदा जमिनबाट पूर्वी समुद्रतर्फ मिसाइल परीक्षण गरेको र उक्त परीक्षण ब्यालेस्टिक मिसाइल हुनसक्ने दक्षिण कोरियाका सैन्य प्रमुखको कार्यालयले जनाएको छ ।

यस्तै जापानी कोस्ट गार्डले पनि ब्यालेस्टिक मिसाइल जस्तो देखिने परीक्षण उत्तर कोरियाले गरेको जनाएका छन् । उक्त मिसाइल जापानको एक्सक्लुसिभ इकोनोमिक जोन भित्र खसेको पनि क्योदो न्युज एजेञ्सीले जनाएको छ ।

जापानी प्रधानमन्त्री फुमिओ किसिदाले उत्तर कोरियाले लगातार मिसाइल परीक्षण गर्नु चिन्ताको विषय भएको प्रतिक्रिया दिनुभएको छ ।

उत्तर कोरियाली नेता किम जोङ उनले भने अन्तर्राष्ट्रिय समुदायको चिन्ताको बेवास्ता गर्दै आफू देशको प्रतिरक्षा प्रणालीलाई मजबुत र अत्याधुनिक बनाउन प्रतिवद्ध रहेको बताउँदै आएका छन् ।