Wed Aug 17 2022
अन्तर्राष्ट्रिय

क्यानडा सरकारद्वारा नयाँ नियम लागूः कोरोना खोप नलगाए कर तिर्नुपर्ने

एजेन्सी । क्यानडाको क्युबेक प्रान्तमा सरकारले कोभिड १९ विरुद्ध खोप नलगाउने व्यक्तिलाई स्वास्थ्यसम्बन्धी नयाँ कर लगाउने भएको छ ।

कोभिडका कारण संक्रमितको संख्या बढेसँगै सो प्रान्तमा खोप नलगाउनेलाई स्वास्थ्य करको प्रावधान ल्याउन लागिएको बताइएको छ ।

क्युबेक प्रान्तका प्रमुख फ्रान्कोइस लेगाल्टका अनुसार खोप नलगाउने १० प्रतिशत व्यक्तिका कारण त्यहाँका ९० प्रतिशत व्यक्तिको स्वास्थ्यमा असर गरेको छ ।

खोप नलगाएका वा लगाउन अटेरी गर्नेलाई कर लगाइने उनले बताए । खोपको पहुँच हुँदा हुँदै पनि कतिपय व्यक्तिले लगाउन अस्वीकार गर्दै आएका छन् ।

आईसीयूमा उपचारार्थ ५० प्रतिशत व्यक्तिमध्ये अधिकांश खोप नलगाएका भएको उनको भनाई छ ।