Sat Jul 2 2022
देश

कारोना हटस्पट बन्दै काठमाडौं

काठमाडौँ । काठमाडौँ उपत्यकामा कोरोना भाइरसको ओमिक्रोन भेरियन्ट तीव्र रूपमा फैलिएको छ । काठमाडौं कोरोना महामारीको तेस्रो लहरको हटस्पट बनेको छ ।

स्वास्थ्य तथा जनसंख्या मन्त्रालयले दिएको विवरण अनुसार पछिल्लो समय काठमाडौँमा कोरोना भाइरस संक्रमितको संख्यामा तीव्र वृद्धि भएको छ ।

बुधवार देशभर एकै दिन ३ हजार ७५ संक्रमित थपिँदा काठमाडौं उपत्यकामा मात्रै १ हजार ४ सय ९८ संक्रमित थपिएको मन्त्रालयले जनाएको छ ।

मन्त्रालयका अनुसार बुधवार मात्र काठमाडौंमा १ हजार १ सय २८, भक्तपुरमा १ सय ३४ र ललितपुरमा २ सय ३६ कोरोनाका संक्रमित थपिएका हुन् ।

यो विवरण अनुसार काठमाडौँ उपत्यकामा कोरोना संक्रमितको संख्या बढेर ११ हजार नाघेको छ भने पछिल्लो २४ घन्टामा थप दुई संक्रमितको मृत्यु भएको छ ।

यसैबीच अत्यावाश्यक नपरी घर बाहिर ननिस्कन र सतर्कता अपनाउन स्वास्थ्य मन्त्रालयले आग्रह गरेको छ ।