Tue Jun 28 2022
मुख्य खबर

“मधेश प्रदेश” नामाकरणले मधेशी सहिदको सपना साकार : मुख्यमन्त्री

मधेश प्रदेशका मुख्यमन्त्री लालबाबु राउतले २ नं. प्रदेशबाट “मधेश प्रदेश” नामाकरणले मधेशी सहिदको सपना साकार भएको बताउनु भएको छ ।
मधेश आन्दोलनका क्रममा ज्यान गुमाएकाहरुको सम्मानमा बुधबार आन्तरिक मामिला तथा सञ्चार मन्त्रालय र मधेशी सहिद प्रतिष्ठानद्वारा आयोजित कार्यक्रममा मुख्य मन्त्री राउतले प्रदेशको नामाकरणले सबैलाई समेटेको बताउनु भएको हो ।

केन्द्र सरकारले अहिले पनि प्रदेश सरकारलाई स्वायत्तता र अधिकार दिन नचाहिरहेको आरोपका साथ उहा“ले मधेश प्रदेशको प्रहरी ऐन तयार रहेपनि प्रहरी समायोजना हुन नसकेको गुनासो गनुभयो ।

यसैगरि निजामति ऐन समेत आफूहरुले तयार गरेर राखेको भएपनि केन्द्र सरकारले कर्मचारी समायोजन गर्न नचाहिरहेको उहा“को आरोप छ । २०६३ माघ ५ गतेका दिन सिरहाको लहानमा पहिलो मधेश आन्दोलनका क्रममा रमेश महतोले सहादत प्राप्त गरेपछि यस दिन विभिन्न चरणका मधेश आन्दोलनमा सहादत प्राप्त गर्नेहरु समेतको स्मरणमा बलिदानी दिवस मनाउने गरिएको हो ।