Sat Dec 10 2022
मुख्य खबर

जनगणनाको प्रारम्भिक तथ्यांकको नतिजा तथ्यपरक नभएको सांसदहरुको भनाई

प्रतिनिधिसभाका सांसदहरुले केन्द्रीय तथ्यांक विभागले सार्वजनिक गरेको १२औं राष्ट्रिय जनगणनाको प्रारम्भिक तथ्यांकको नतिजा तथ्यपरक नभएको भन्दै आपत्ति जनाएका छन ।

आज सिंहदरवारमा बसेको प्रतिनिधिसभा अन्तरगतको अर्थ समितिको बैठकमा प्रमुख प्रतिपक्षी दल नेकपा एमाले र सत्तारुढ प्रमुख घटक नेपाली कांग्रेसका सांसदहरुले राज्यको उद्देश्य र जनताले चाहे अनुसार जनगणना नभएको बताउँदै पुनर्गणना गर्न समेत माग गरेका छन ।

मंगलबार सिंहदरवारमा बसेको प्रतिनिधिसभा अन्तरगतको अर्थ समितिको बैठकमा बोल्दै प्रमुख प्रतिपक्षी दल नेकपा एमालेका सांसद सुरेन्द्र पाण्डेले राज्यको उद्देश्य र जनताले चाहे अनुसार जनगणना नभएको उल्लेख गर्दै पुनर्गणना गर्न माग गरे ।

सांसद पाण्डेले काठमाडौंको जनगणनाको प्रारम्भिक नतिजा तथ्यपरक नहुनुको कारण स्पष्ट पार्न केन्द्रिय तथ्यांक विभागसँग आग्रह गरे । उनले काठमाडौंमा सधैं बसाइसराई बढिरहने तर त्यस अनुपातमा जनसंख्या घटने काम हुनै नसक्ने दावी गर्दै तथ्यांक विभागको प्रारम्भिक नजितामा घटेर आउनुको कारण आफूले बुझ्न नसकेको बताए ।

यस्तै काँग्रेसकी सांसद प्रमिला राईले पनि सही तरिकाले जनसंख्याको तथ्यांक नआएको भन्दै पुनः जनगणना गर्न सरकारसँग माग गरे । उहाँले विदेशमा गएको नेपालीहरुको जनगणना गर्ने कार्य योजना के छ ? भनि केन्द्रिय तथ्यांक विभागलाई प्रश्नसमेत गरे । सांसद राईले गणकहरुलाई घरघरमा पु¥याएर तथ्यांक संकलन गर्ने काम नभएको अनुभूति सुनाउँदै त्यसप्रति आपत्ति जनाए ।

तर केन्द्रिय तथ्यांक विभागका महानिर्देशक नेविनलाल श्रेष्ठले भने सांसदहरुले उठाएको प्रश्नको जवाफ दिँदै कोरोनाको असहज परिस्थितिका कारण जनगणनामा केही तलमाथि भएको हुन सक्ने बताए । उहाँले यो प्रारम्भिक नतिजा भएको र पूर्ण भएर आउँदा सबै तथ्य आउनेतर्फ पनि सांसदहरुको ध्यानाकर्षण गराए ।

महानिर्देशक श्रेष्ठले जनगणनाको प्रारम्भिक नजिताको कामलाई विभागले इमान्दारिताका साथ समयमै सम्पन्न गराएको पनि बताए ।