काठमाडौँ– संयुक्त राज्य अमेरिकाले नेपालको संविधान दिवसको अवसरमा सम्पूर्ण नेपालीहरूमा शुभकामना व्यक्त गरेको छ। अमेरिकाका विदेशमन्त्री एन्टोनी ब्लिन्केनले विज्ञप्तिमार्फत अमेरिकाको तर्फबाट शुभकामना व्यक्त गर्दै यो नेपालले गरेको उल्लेखनीय प्रगति र राष्ट्रहरूबीचको बलियो मित्रतालाई कदर गर्ने क्षण भएको उल्लेख गरेका छन् ।
विदेशमन्त्री ब्लिन्केनले समझदारी, विश्वास, र सद्भावनालाई बढवा दिने जनता जनताबीचको सुमधुर सम्बन्ध नै द्विपक्षीय मित्रताको आधारशिला भएको बताएका छन्। विदेशमन्त्री ब्लिन्केनले अमेरिकी जनता र सरकारको तर्फबाट दिवसको विशेष अवसरमा सम्पूर्ण नेपालीहरूमा शुभकामना व्यक्त गरेका हुन्।
