Wed Dec 7 2022
आर्थिक

आईपीओ जारी गर्दै धौलागिरी लघुवित्त

काठमाडौँ । धौलागिरी लघुवित्त वित्तीय संस्था लिमिटेडले आईपीओ जारी गर्ने भएको छ ।

यसले ३ लाख ३१ हजार कित्ता आईपीओ बिक्री गर्न लागेको हो । आईपीओ बिक्रीका लागि कम्पनीले प्रभु क्यापिटल लिमिटेडलाई शेयर प्रत्याभूतिकर्तामा नियुक्त गरेको छ । सो नियुक्ति सम्बन्धी सम्झौता फागुन ४ गते बुधबार सम्पन्न भएको छ ।

सम्झौतामा धौलागिरी लघुवित्त वित्तीय संस्था लिमिटेडका तर्फबाट प्रमुख कार्यकारी अधिकृत मिनबहादुर बोहरा तथा प्रभु क्यापिटल लिमिटेडका तर्फबाट प्रबन्ध निर्देशक दिनेश थकालीले हस्ताक्षर गरेका छन् ।