Tue Jun 28 2022
अन्तर्राष्ट्रिय

रुसी आक्रमणबाट बच्न ६ लाख ६० हजार युक्रेनीले देश छाडे

एजेन्सी– युक्रेनमा जारी रुसी आक्रमणबाट बच्न ६ लाख ६० हजारभन्दा बढी नागरिकले देश छाडेका छन् ।

संयुक्त राष्ट्रसंघीय शरणार्थी उच्चायुक्तको कार्यालय यूएनएचसीआरकी प्रवक्ता साबिया मन्टूले रुसी आक्रमण सुरु भएयता महिला बालबालिकासहित ६ लाख ६० हजार युक्रेनीले देश छाडेर छिमेकी मुलुकमा शरण लिएको जानकारी दिएकी हुन् ।

उनका अनुसार पोल्याण्डसँगको सीमामा मानिसहरूको भीड लागेको र पोल्याण्ड प्रवेश गर्न शरणार्थीहरूले ६० घण्टासम्म कुर्नु परिरहेको छ । रोमानिया–युक्रेन सीमा क्षेत्रमा पनि शरणार्थीको २० किलोमिटरभन्दा लामो लाइन लागेको छ ।

रुसले युक्रेनमाथि आक्रमण गरेपछि युरोपमा पुनः आप्रवासी र शरणार्थी संकट आउन सक्ने चिन्ता कायम रहेका बेला संयुक्त राष्ट्रसंघ शरणार्थी उच्चायुक्तको कार्यालयको यस्तो भनाइ आएको हो ।