Wed Aug 17 2022
देश

परालले छोपेको अवस्थामा महिलाको शव फेला

भक्तपुर । भक्तपुरको चाँगुनारायण नगरपालिका ७ बागरेस्थित तरकारी खेती भएको जग्गामा रहेको टहराभित्र परालले छोपेको अवस्थामा एक महिलाको शव फेला परेको छ ।

करिब ४० वर्षीया महिलाको शव परालले छोपेको अवस्थामा सोमबार बेलुकी १० बजेतिर फेला परेको महानगरीय प्रहरी परिसर भक्तपुरका प्रहरी नायब उपरीक्षक राजु पाण्डेले जानकारी दिएका छन् । महिलाको पहिचान भइसकेको छैन ।

महिलाको घाँटी अगाडिको भागमा गहिरो चोट र शरिरको अन्य भागहरूमा पनि चोटहरू देखिएको प्रहरी ले जनाएको छ । महिलाको शव अर्धनग्न अवस्थामा फेला परेको शव पोष्टमार्टमको लागि केएमसी अस्पताल दुवाकोट लगिएको छ । प्रहरीले थप अनुसन्धान अघि बढाएको छ ।