Mon May 16 2022
Breaking News

साझा उम्मेदवार छान्न सत्ता गठबन्धनलाई सकस, अधिकांश उम्मेदवारी भोलि मात्रै

काठमाडौँ– साझा उम्मेदवारबारे टुंगो लगाउन सकस भइरहेको सत्ता गठबन्धनले अधिकांश स्थानमा उम्मेदवारी दर्ता भोलि मात्रै गर्ने भएको छ ।

स्थानीय तह निर्वाचनका लागि निर्वाचन आयोगले आज र भोलि मनोनयन दर्ताको लागि समय तोकेको छ ।

एकीकृत समाजवादीका नेता जीवनराम श्रेष्ठले गठबन्धनको तर्फबाट अधिकांश स्थानमा उम्मेदवारी दर्ता भोलि मात्रै हुने बताए ।

माओवादी केन्द्रका नेता देव गुरुङले पनि नमिलेको ठाउँमा वार्ता गरेर टुंग्याउनुपर्ने भएकाले मिलेको ठाउँमा बोहक धेरै ठाउँमा भोलि नै उम्मेदवारी दर्ता हुने बताए । आजै टुंग्याउने प्रयास हुने र आज नटुंगिएको ठाउँमा उम्मेदवारी दर्ता गरेर पनि मिलाउन प्रयास हुने उनको भनाइ छ ।

सीमित जिल्लाहरुमा सत्ता गठबन्धनबीच तालमेल गरेर जाने सहमति भए पनि धेरै ठाउँमा मिल्न सकेको छैन ।

सत्तारुढ नेपाली कांग्रेसले नै अधिकांश महानगरका मेयररउपमेयर तथा उपमहानगरका मेयररउपमेयरका उम्मेदवार टुंग्याउन सकेको छैन । यसबारे निर्णय गर्न नेपाली कांग्रेसको केन्द्रीय कार्यसम्पादन समितिको बैठक बिहान ११ बजे पार्टी केन्द्रीय कार्यालय सानेपामा बोलाइएको छ ।