Fri May 27 2022
मुख्य खबर

भारतीय सेनाले एके ४७ राइफलमा थप उपकरण जडान गर्ने

काठमाडौं– भारतले आफ्ना सैनिकलाई उपलब्ध गराइएको एके ४७ राइफलको स्तरोन्नति गर्ने भएको छ । राइफलमा थप अत्याधुनिक उपकरण जडान गरी एके ४७ को स्तरोन्नति गरिएको हो ।

भारतको बैङग्लोरमा रहेको एसएसएस डिफेन्स नामक कम्पनीले एके ४७ राइफलका लागि नयाँ अझ बलियो स्टक र धुलो छेक्ने उपकरण भारतीय सेनालाई उपलब्ध गराएको हो ।

यसबाट भारतीय सैनिकले यस राइफलमा निशाना लगाउन सहयोग गर्ने उपकरण जडान गर्न मिल्ने भारतको अनलाइन अखबार द प्रिन्टले जनाएको छ ।

त्यस्तै, राइफलको अग्रभागमा पनि बाइपड राख्न मिल्नेगरी स्तरोन्नति गरिएको द प्रिन्टले जनाएको छ । यसबाहेक गोली चलाउने बेला हातलाई जोगाउने उपकरण पनि भारतीय एके ४७ मा थप गरिएको जनाइएको छ ।

तस्वीरः इकोनोमिक टाइम्स