Sat May 21 2022
अन्तर्राष्ट्रिय

युक्रेन युद्धमा हस्तक्षेप गर्ने राष्ट्र आफ्नो निशानामा पर्ने रुसी राष्ट्रपतिको चेतावनी

रुसी राष्ट्रपति भ्लादिमिर पुटिनले युक्रेन युद्धमा हस्तक्षेप नगर्न विश्व समुदायलाई चेतावनी दिएका छन् ।

रुसको सेन्ट पिट्सवर्गमा विधायकहरुलाई सम्बोधन गर्दै पुटिनले युक्रेन मामिलामा हस्तक्षेप गर्ने जुनसुकै राष्ट्र तत्काल रुसको निशानामा पर्ने धम्की दिएका छन् । आफ्नो चासो, स्वार्थ र वर्चश्व रक्षा गर्न आवश्यक पर्ने जस्तोसुकै सामग्री वा हतियार प्रयोग गर्न नहिच्किचाउने पुटिनको भनाई छ ।

रुस विरुद्धको युद्धमा युक्रेनलाई सहयोग गरिरहेका अमेरिका, जर्मनी, बेलायत लगायतका देशहरुले पछिल्लो समय आधुनिक हतियारहरु दिन थालेपछि रुस झन झस्किएको छ ।

रुसको अस्तित्वमाथि सामान्य चुनौती देखा परेपनि सम्पूर्ण शक्ति लगाउन पछि नपर्ने भन्दै पुटिनले आवश्यक परे ब्यालेस्टीक मिसाइल र आणविक हतियार प्रयोग गर्नसक्ने संकेत गरे ।